المساعد الشخصي الرقمي

مشاهدة النسخة كاملة : كيف أعمل ورشة عمل ؟؟


ocean waves
11-06-2009, 01:05 AM
اليوم سألت المديرة الموجه الفنى ليش ما عطانا علامة كاملة للمدارس المتميزة حيث عطانا 40 من 45 فكانت حجته اننا ما سوينا درس ريادى أو ورشة عمل على مستوي المنطقة ؟؟؟
و المديرة حطتها ببالها و قالت احنا نبى الأمتياز و لازم نسوي درس وورشة !!(*896*)
درس ريادى عرفناه بس اشلون اسوي ورشة عمل ؟؟ من وين اختار الموضوع ؟؟ خصوصا باللغة الأنجليزية و المعلمات معظمهم وافدلت من فئة زس و دس فى معلمة أردنية قالت عندى استعداد قلت أقدر اساعدج بالموضوع و اهى بالألقاء:yes2:
ياريت اذا فى أخد مسوي ورشة عمل بملف او ورقة عمل على الأقل يعطينى الطريقة و الخطوات بالضبط وانا اسويه أو موضوع جاهز و انا أطوره أو اعدله و أضيفله لمساتى و منكم نستفيد
ماقصرتوا فيكم البركة:thumbup1:

ocean waves
11-08-2009, 10:41 PM
شدعوة مافى ولا واحد مسوي ورشة عمل أو يعرف شلون الخطوات التى ينعمل فيها الورشة بليييييييييييييييز

الـــدانة
11-12-2009, 01:41 AM
ليش ما تسوين ورشة عمل للوسائل


يعني تحطين موضوع عن الوسائل واهميتها في البور بوينت

وتجهزين الاشياء اللي تحتاجينها لعمل وسيلة للغة الانجليزية

وتوزعينها على المعلمات اثناء الورشة وتقسمينهم كل مجموعة تسوي وسيلة من هالمواد :)



--------------------------


او تختارين درس من دروس المنهج الجديد وتعدينه بكلماته وتقسيماته وتعطين المعلمات اسئلة كل مجموعة تحل بعد ما تشرحين الدرس

ان شالله تفيدج والله يوفقج :)

ocean waves
11-12-2009, 02:30 PM
ماقصرتى بس اللى قلتيه صالح لمعلمات القسم داخل المدرسة وأنا دوم أعمل لهم بالبوربوينت عمل للخطة العلاجية و عمل الجدوال و غيرها بس أنا أبى ورشة عمل خارجية يعنى على مستوى المنطقة يحضرها الموجهيين و المعلمين من مدارس المنطقة يعنى حوسة و ترتيب و تدريب ... أنا بس أبى الخطوات يعنى شنو اسوى - خطوات الورشة - هكذا
يعطيج العافية

معلمة_كويتية
11-14-2009, 09:57 AM
حبيبتي أول شي أتمنى لج التوفيق باختيار الموضوع المناسب حسب احتياجات القسم عندج .. يعني على سبيل المثال إذا لاحظتي إنه معلماتج ما عندهم القدرة في تقديم مفردات الدرات بطريقة مناسبة تجذب الطالبة أو لقيتي انهم ما يعطون التعليمات في الحصة بطريقة تفهمها الطالبة بسرعة .. يعني حددي شنو احتياجات معلماتج في القسم و على أساسها تختارين موضوع الورشة المناسب .. لا تقدمين شي مو محتاجينه و هذي من أول مقومات ورشة العمل الصحيحة .
ثانيا : جمع المعلومات .. دشي الانترنت دوري بالكتب عن كل المعلومات الحلوة اللي ممكن تكون موضوع حوارج في الورشة و رتبيهم من الأهم إلى المهم .
ثالثا : ورشة عمل يعني مو محاضرة و هذا المفهوم السائد اللي عندنا قاعد يصير .نحضر على بو انه ورشة عمل تطلع محاضرة و احنا نسمع . يعني دائما اخذي المعلومه من الحضور وزعيهم مجموعات أو اثنين أثنين حتى التوجيه خليهم يشتغلون .
لا تعتمدين على باوربوينت وايد لأنه صار شي ممل و مكرر ... ممكن يكون استخدامج له لعرض التمرين اللي بتعطينهم يحلونه أو لعرض صورة بتناقشينها و هم بعد مو مهم تقدرين تصورين لكل مجموعه أوضح و أفضل .

رابعا : جهزي تمارين يعني تطبيق للي راح تسوينه و نوعي بطريقة حلهم للأسئلة .. مثال مره خليهم يحلون على ورقة
A3 كبيرة كمجموعة و بعدين خلي قائد للمجموعة يلزقها عالطوفه في نهاية التمرين و يقرا شنو كتبو و المجموعات الثانية تقارن بالمعلومات اللي عندها ... دشي الانترنت بتلقين وايد Activities متعلقة بتطبيق تمارين ورش العمل ..

خامسا لا تخلينهم يروحون الا ومعاهم أوراق نماذج من اللي سويتيه ووثقي كل شي باسمج و اسم المدرسة و في شي دايما اسويه في اجتماعاتي اللي اهو ورقة الReflection sheet يعني ببساطة ال Feedback عشان اعرف انا شنو سويت و شنو لازم اغير يكتبو لي تعليقهم و اجمع الاوراق منهم عقب . و اقراها براحتي بالبيت . في نسخة انا صعدتها بوحده من مشاركاتي . اتمنى اكون ساعدت لو بالقليل .

عشان تفهمين قصدي اكثر راح تشوفين بالبوكس اللي بعد تعليقي لينك حق الـ Reflection sheet و لينك ثاني حق Microteaching
Session اقريه و بتعرفين شنو اقصد في انه كل واحد بالورشة يشتغل .

المعلمة المتميزة
11-14-2009, 11:48 PM
ما قصرتي احتي معلمة _ كويتيه
شكرااا لك
http://www.q8ow.com/up/uploads/f736b12af6.gif (http://www.q8ow.com/up/)

ocean waves
11-15-2009, 11:54 PM
سلمت يمناك ماقصرتى كافى اهتمامج بسؤالى -ماعليج زود
]
http://tbn1.google.com/images?q=tbn:RC1Jb2dOVPI__M:http://emiliedecrock.free.fr/ftp/pictures/thanks.jpg

Malloy
11-17-2009, 01:33 AM
خصوصا باللغة الأنجليزية و المعلمات معظمهم وافدلت من فئة زس و دس
:thumbup1:

:con2: ممكن تلاقي عندهم مواضيع تفيدك لان في منهم ناس مميزين جدا

ocean waves
11-18-2009, 11:27 PM
معاج حق بس انا عندى جم مدرسة أردنية لغتهم مضبوطة و ان شاللة يعدون الورشة على خير - ماقصرتى

مشرفه جديدة
11-20-2009, 12:09 AM
للامانه انا ماسبق لي تنظيم ورشه

بس اتمنى من الله يوفقج ويسهل كل امورج

غلى روحي mm
12-28-2009, 07:19 PM
ان شاء الله قريب اقدم وحده بالمدرسه ياليت اللي عندها خبره تفيدنا بكل شي عن تجربتها ونكون شااكرين لها

ocean waves
12-28-2009, 11:02 PM
ما شالله ماأحد مسوى ورشة للحين وين الفزعة - يا غلى روحى - مالك الا ظفيرك بس ماقلتى اى تخصص انتى؟؟؟

mazyona777
12-29-2009, 02:57 AM
هلا أختي
أنا مدرسة علوم مو انجليزي بس حابة أعطيج فكره انشاءالله تفيدج
فكره الورشه تبادل أفكار لأوراق العمل لماده الانجليزي
يعني عزمي مدرسات الانجليزي من كل مدرسة وحده أو اثنين
وحطي طاولا مدوره او نص دائره وحطي عليهم أوراق وأقلام
الفكره انج تخلين مدرساتج يبون أفكار جديده وغريبة يعني قصة طرق تدريس متنوعه قصص تفيد المنهج أوراق عمل
ألعاب ممكن تدخل في توصيل الدرس و الفكرة للطالب وتسوين بوربوينت تعرضينه عليهم وأيضا يبي القصص هذي والألعاب كعرض ممكن وسائل وألعاب من شغل المدرسه وعرضيها و خلي كل مجموعة مدرسات قاعدين على طاوله وحده يختارون درس من الدروس اللي درسوها ويحطون أفكار جديده ممكن تفيد و يسون ورقة عمل جديده تخدم الدرس و بعدين جمعيها وعرضي بعض الأفكار أو خلي كل مجموعة تعرض فكرتهم بصورة مختصره منها تستفيد وتفيد
ومشكوووووووووووووووره

غلى روحي mm
12-29-2009, 04:41 PM
يا أحلى بنات ما تقصرون اختي ocean والله انج هبة ريح وما تقصرين انا ياحبوبه شرعية اذا قدرتي تفيديني اكون ممنونه لالك والله اني احب المبدعيين ..

الـــدانة
12-29-2009, 04:44 PM
حبيبتي انا ما ادري انج رئيسة قسم عشان جذي قلت لج الورش اللي نسويها


شوفي مرة رئيسة قسم سوت ورشة للادارة عن المعلم الامين او الناجح

ocean waves
12-29-2009, 06:33 PM
ماقصرتوا بس أحس انكم مو فاهمينى ... أنا أبى ورشة عمل على مستوي المنطقة التعليمية يعنى أبى أعزم الموجهين و المعلمين و المعلمات لها وابى أسويها بالمسرح و فى طاولات وفى داتا شو للعرض بس المشكلة تكمن فى الخطوات لها يعنى أنا طلعت موضوع مثل القراءة السريعة واثرها على الطالب ... شلون أحط الموضوع يعنى شلون أرتب أفكاري و الورشة يبيلها أسئلة للحضور و مشاركة و أخذ و رد .... هذا اللى أبيه و عاليكم زود

ocean waves
12-29-2009, 06:37 PM
حبيبتى غلا .. قصدج بشرعية يعنى اسلامية ... اذا كذا أنا حصلت على مواضيع حلوة بوربوينت تخص مواضيع حلوة بس طبى و تخيرى و راح أطرش لج تباعا أو طرشيلى ايمليج على الرسائل الخاصة و تمونين

ocean waves
12-29-2009, 07:03 PM
الموضوع موجود فى ملف ورشة عمل لمعلمى الأسلامية ان شاللة يفيدج يا غلا و بالتوفيق و الفال لى بعد

غلى روحي mm
12-29-2009, 07:34 PM
تسلمين حبوبه وما قصرتي اللحين ارسلج ايميلي حياتي فيج الخير ولاهان الباقين

غلى روحي mm
12-29-2009, 07:40 PM
ما قصرتي حبيبتي ارسلت لج ايميلي فيج الخير وماهان الباقيين

ocean waves
12-30-2009, 10:43 PM
مشكورة أختى غلا واذا مافتح الملف معاج ترى طرشت جم ملف لج عالأيميل ان شالله يفتحون و تستفيدين منهم

غلى روحي mm
12-30-2009, 11:04 PM
تسلمين حياتي ما قصرتي حفظتهم عندي الله يجعله في ميزان حسناتج

مهارات قيادية
01-02-2010, 10:50 AM
السلام عليكم

الاخت معلمة_كويتية

ماقصرت وضحت شي كثير من مهام و اسرار ورش العمل ...


نصيحتي بما اني اقوم باعداد ورش عمل :
كوني لك فريق تنظيم ... مهمته تنظيم المكان ... تجهيز المعدات .. المراسلات و الدعوات .. تنظيم القاعة و ترتيب الاماكن ...

انتي خلك متفرغة فقط للمادة العلمية و اسلوب عرضك للورشة " عملي .. اوراق و تدريبات .. عصف ذهني ... تدوين التدريبات على ورق a3 و تثبيتها ... او على شفافيات لعرضها على الجهاز ...

اذا خذينا مثلا موضوع القراءة السريعة :
جهزي المادة العلمية لعرضها في البداية لتكون قاعدة معلوماتية ....
تعريفها ... اهميتها ... البيئة المساعدة للقراءة السريعة ... متطلبات القراءة السريعة ... استراتيجية القراءة السريعة ....

الجزء العملي للورشة :
فقرات لتطبيق المهارة عليها و بعدها اختبار بسيط " موضوعي و ليس مقالي " لقياس مدى الاستيعاب باستخدام الطريقة الجديدة ...

التقييم و التعليق :
بعد فرز النتائج يمكن التعليق على هذه المهارة و البحث عن الي استطاعوا تنفيذ هذه الطريقة في القراءة و الي لم يجتزها كمهارة و البحث عن الاسباب .. " البعض يعاني من الاستجماتيزم و قد يواجه صعوبة " << مثلا ..



اختيار الموضوع حسب الشريحة المستهدفة :
معلمة <<< طرق تدريس .. اوراق العمل و كيفية اعدادها ... المعلم الناجح ... ادارة الفصل
مديرات و موجهات <<< قيادة ... تكوين فرق العمل ... ادارة الاجتماعات الناجحة ...

همسةاخيرة : نوعي المراجع التي تستخدمينها .. و احذري ان تكون المادة العلمية من مدونة واحدة على النت ... نوعي في اختيار المواقع و الكتب ... ابحثي في اليوتيوب .. فقد تجدين شيئا يناسبك ...

همسة لا بد منها :
لماذا انتي تعدي الورشة و غيرك يلقيها .. كوني انتي النجمة

بالتوفيق عزيزتي ...

غلى روحي mm
01-02-2010, 12:24 PM
مهارات قيادية كفت ووفت ما قصرت ..

ocean waves
01-03-2010, 12:49 AM
أنا أشهد أنك قيادية و واضح أنك شاطرة و مشكورة على النصائح الذهبية وأنا نجمة فى كل عمل أقوم به بس أحب أن أظهر قيمة باقى فريقى عندهم الموهبة بس ينقصهم الوقت و الجهد ,انا خبرة 24 سنة وهم توهم 4 - 5 سنوات خبرة فودى أطلع المارد داخلهم بتهيئة الجو و الجهد وهم مايقصرون وأنا مومحتاجة لأبراز مواهبى لأن مجهودى واضح و بصمتى معروفة و موجودة فى كل مدرسة كنت فيها بالسابق ... و ماقصرتى والله يكثر من أمثالك و لاتنسينها بالخبرات :)

غلى روحي mm
01-03-2010, 04:03 PM
ماشاء الله يبيلكم تصفيق حااااااار تستاااهلون يا مبدعاااات واضح انكم قياديين ونجوووم افيدونا معكم ما قصرتم

مهارات قيادية
01-04-2010, 03:08 PM
أنا أشهد أنك قيادية و واضح أنك شاطرة و مشكورة على النصائح الذهبية وأنا نجمة فى كل عمل أقوم به بس أحب أن أظهر قيمة باقى فريقى عندهم الموهبة بس ينقصهم الوقت و الجهد ,انا خبرة 24 سنة وهم توهم 4 - 5 سنوات خبرة فودى أطلع المارد داخلهم بتهيئة الجو و الجهد وهم مايقصرون وأنا مومحتاجة لأبراز مواهبى لأن مجهودى واضح و بصمتى معروفة و موجودة فى كل مدرسة كنت فيها بالسابق ... و ماقصرتى والله يكثر من أمثالك و لاتنسينها بالخبرات :)

السلام عليكم


ما شاء الله عليك ... تدرين .. فعلا رئيسة قسم ناجحة .. ترفعين قدر من حولك و تمسكينهم سلم النجاح .. قيادية قلبك نظيف ...

كنت اظنك مثلي في بداية المشوار مع الدورات و الورش برغم خبرتي ( 12 ) تدريس .. و قلت خل هي تتأسس و تاخذ فرصتها بعدين يصير خير .. طلعتي ما شاء الله عليك .. ما يحتاج

غلى روحي .. شكرا على هالتشجيع الرائع .. بارك الله فيك

ocean waves
01-04-2010, 05:23 PM
يعطيك العافية و الله كلكم فيكم البركة و أنا دوم أحس أنى أبى أتعلم و ماأمل من الأطلاع على خبرات الغير و مجال العلم مافى كبير و لا صغير كلنا نمشى على خط واحد و هو التعلم بما هو جديد دائما - و ماقصرتى يا قيادية و أنا أحب أتعلم من الكل ولا أخجل من كلمة لا أعرف حتى أتعلم