مدرسة المعرفة النموذجية

[صمونه]

مدرسة المعرفة النموذجية .. مدرسة خاصة تشمل مراحل رياض الاطفال + الابتدائي + المتوسط (بنات فقط ) + الثانوي( بنات فقط) ( ماشاء الله شاملة ) المنطقة : المنقف الرسوم : متوسطة نسبيا ( مو مثل المدارس الاجنبية غالية جدا و لا رخيصة مثل بعض المدارس ام 200 و شي ) راح احط معلومات عن المرحلة اللي حاليا بنتي فيها يعني اللي اعرف عنه .. ( رياض الاطفال ) طبعا نسبيا احنا بعدنا في الربع الاول من العام الدراسي << حلوة الربع الاول فيعني ما عرفنا عنها كل شي .. لكن عندهم حوض سباحة كبير + انشطة كراتيه + مكتبة صغيرة للأطفال + مرسم الطلاب تقريبا 23 طفل و طفلة بالصف كل مرحلة في طابق بالمدرسة و الثانوي لهم مدخل خاص بالخلف بعيد عن الاطفال .. و كل مرحلة لها ناظرة و وكيلة و ان شاء الله احاول احط معلومات اكثر عنها بعدين ..

[ريميه**]

صرااااااحه انا موجودة في مرحلة ثاانوية نظااااامهم حلوووو

[صمونه]

موفقة ريمية حبيبتي .. كم رسومهم بالثانوية .. و اشلون المناهج نفس الحكومة بالظبط و الا في اختلاف ..؟

[love2teach]

شكراا صمونه خوش موضوع ... الله يوفق عيالج و يخليهم لج شرايج فيهم من ناحي التدريس ... مهتمين ؟؟ في واجبات يوميه ؟

[●الحلوة●]

أي عمي فيهـآ المعرفه مو اللي مقـآبل مركز سلطـآن مآدري الجملة

[ام الهواجيس]

السلام عليكم ورحمة الله بصراحة يا اختي كلامك صحيح وتعالي شوفي الناظرات والادارة وايد راقين ومهتمين باي شي يخص الطالب والمدرسين فيهم من اهل الخبرة بس مرة دشيت عليهم بشوف شنو عندهم من اسلوب ومعاملة ولقيت اللي يسر الخاطر تحياتي ام الهواجيس

[صمونه]

المشاركة الأصلية كتبت بواسطة ●الحلوة● أي عمي فيهـآ المعرفه مو اللي مقـآبل مركز سلطـآن مآدري الجملة تقريبا قريبة من مركز سلطان بس مو مقابلته اسعدني مرورج عزيزتي المشاركة الأصلية كتبت بواسطة ام الهواجيس السلام عليكم ورحمة الله بصراحة يا اختي كلامك صحيح وتعالي شوفي الناظرات والادارة وايد راقين ومهتمين باي شي يخص الطالب والمدرسين فيهم من اهل الخبرة بس مرة دشيت عليهم بشوف شنو عندهم من اسلوب ومعاملة ولقيت اللي يسر الخاطر تحياتي ام الهواجيس صحيح اختي ام الهواجيس .. ما شاء الله عليهم روحهم حلوة .. اسعدني مرورج عزيزتي ================================ ما ادري اشعندهم معطلين من الحين .. تو الناس على اجازة الربيع !! اليوم قالوا حق بنتي ( رياض اطفال ) ان باجر اجازة و لا تداومون ما ادري اهو طبيعي جذي و الا اهم امبجرين ؟

[حبوبة الاطفال]

الصراحة من غير مجاملة كل الي اعرفهم يدرسون فيها يقولون قمة التسيب والبنات يحطون مكياج وتجارية

[dr.moha]

توضيح .. مدرسه المعرفه لها افرع في مدرسه ( متوسط بنين - ثانويه بنين ) فقط في المنقف مقابل العزيزيه و مركز الجمله بالظبط و في معرفه ( رياض اطفال - ابتدائي مختلط الصف الاول و الثاني فقط بنات و عيال بصف واحد اما ثالث و رابع و خامس في صفوف منفصلين - متوسط بنات - ثانوي بنات ) هذه في المنقف ايضا و لكن في مكان اخر من المعرفه الاولى و انا في المعرفه بنين في الصف الحادي عشر علمي و بصراحه احب ارد للناس اللي يقولون فيها تسيب ان مدارس المعرفه احسن من غيرها من المدارس خصوصا مهتمين بالطلبه جدا المدارس الثانيه لما يطق جرس الهده ( انتهاء الدوام ) غير مسؤولين عن الطلبه يلا الكل يروح بيته و خلاص اما من ناحيه مشاجرات بعد الدوام مدرسه المعرفه موجوده برى المدرسه مهتمه بالاوضاع بعد نهايه الدوام اللى ان يذهبون الى بيتهم في اشراف خاص بعد الدوام و الحمدلله لكل مرحله ناظر ووكيل خاص و مشكووره اختي صمنوه على طرحج الموضوع ..

[caka55]

الصراحه انا ولدي فيها الصف الحادي عشر وايد زينه ويمدحونها