عشاء .. سهل .. و بسيط .. و سريع .. لا و من اعدادي :)

حوراء الراشد · 05-14-2009, 12:45 AM

سلام عليكم ..

شلونكم يا حلوين ..؟!

عاد اليوم يبت لكم شي سهل و لذيذ و سريع و يخلص بسرعه عالماشي لأني صرلي جم يوم تعبانه مالي خلق شي يطول

المهم ..
يبت لكم عشا كامل .. يعني اليوعان نص الليل ماراح يتوهق .. و حتى الي مايعرف يطبخ ماراح يتوهق لأن اشياء سهله و بسيطه جدا ..

العشا راح يكون عباره طبقين رئيسيين من الروبيان لكن مختلفين بطريقه اعدادهم .. و شوربه و سلطه < شي عالماشي ..

وكالعاده كل شي اعدادي و تصويري

بسم الله نبدي ..

اول شي الطبق الرئيسي الأول ( حميسة روبيان )

المقادير :

روبيان طري(( مقشر ومنظف ))
طماطم
فليلفة حلوة
جزر
بصل
ملح الليمون
فلفل أسود
بهارات مشكلة((حسب الرغبة))
ملح
القليل من البقدونس
ملعقة دبس الرمان
زيت للقلي

الطريقة:

نقطع البصل والخضار بهذا الشكل ..

نحط شوية زيت في المقلة
ونضيف البصل يتحمر شوي
ونحط عليه الروبيان الطري
ونقلب الى ان ينضج الروبيان

هذا الروبيان الطري:

ثم نضيف الملح , الفلفل الأسود , البهارات

وملاحظة مهمة جدا جدا

لا تحطون بزار الروبيان الجاهز
ترى يلوع الجبد بالأكل !!

بعد ما يستوي .. نضيف الخضار ونقلب
الى أن تذبل ..

نضيف القليل من ملح الليمون
وملعقة دبس الرمان ..

يزين الطبق بالقليل من البقدونس ويقدم مع الخبز ..

هاذا الطبق الرئيسي الاول و خلصنا منه .. ياويلك يالياااي ...

الياي هم روبيان << عشان لا اطلع الف شي و لأن مقاديرهم ماراح بعيد و مزاجنا يومها كان بحري ..

الطبق الثاني ..

روبيان صيني بالصلصه .. (( حامض حلو ))

المقادير:
روبيان طري (منظف وغير مسلوق)
فليفلة خضراء
جزر
بصل
طماطم
أناناس
زنجبيل
فص ثوم
زيت
ملح
فلفل أسود

الصلصة:
كوب مرقة دجاج
كوب ماء مذاب فيه ملعقتين نشا
1/4 كوب صلصة صويا
1/2 كوب معجون طماط
1/2 كوب خل
1/4 كوب سكر

الطريقة:

تقطع الخضار الى مكعبات والجزر
دوائر ونفرم الثوم والزنجبيل

نحط شوية زيت بالمقلة ونحمس الروبيان
ومع الملح والفلفل الأسود
وبعدين نضيف الثوم والزنجبيل

وبعد ما ينضج الروبيان نعزله

بنفس المقلة نحط بعد شوية زيت
ونضيف الخضار ونقلب حتى يستوي 1/2 سوى
وما نخلي الخضار تذبل !!!
ومن ثم نعزلها ..

نحط مكونات الصلصة بنفس المقلة
ونخليها تطبخ شوي الى أن تمتزج

نضيف اليها الروبيان والخضار
ونقلب قليلا عشان تاخذ النكهة

هني الألوان خداعه

نطفي النار
ونقدمة بطبق حلو ..أهم شي الطبق حلو عشان لا تخترب الطبخه .. !!

............

خلصنا من الاطباق الرئيسيه ..

الشوربه ..

اكره شي عندي اسوي شوربه لووووول عشان جذي الشوربه امرها سهل

(( شوربة الخضار)) :
هذي الشوربة جاهزة من كنور>> غشاشة!!

نحط لتر ماء يفور
ونضيف محتويات الظرف
ونخليها 10 دقايق على نار هادية !!

< في اسهل من جذي ؟

وتقدم

سلطة الشمندر :

القادير:
شمندر (( مو مطبوخ))
جزر
فليلفة حلوة
خس
خيار
زيت زيتون
خل
ملح
ليمون

الطريقة:
يقطع الخيار والفليفلة مكعبات أو جوانح
يبشر الشمندر والجزر
يقطع الخس

تخلط جميع المحتويات ويضاف
زيت الزيتون ، الملح ، الليمون والخل

وتقدم

السلطه ناعمه .. و اللي يحب تكون خشنه يقطع كل شي كبير كبير طبعا ماعدا الجزر

هاذا كان عشانا انا و بعباس .. و انشالله يكون عجبكم .. و سهل التطبيق صح ولا انا غلطانه ؟

بالعافيه عليكم

^_^

ملك الأحزان · 05-14-2009, 12:48 AM

مشكووووره اختي عاد نبي نذوق شرايج تسوينه وتدزينه لي مع السايق اقولج رأيي
بس الصراحه شكله لذيذ (؛
تقبلي مروري

حوراء الراشد · 05-14-2009, 01:26 PM


	المشاركة الأصلية كتبت بواسطة ملك الأحزان


	مشكووووره اختي عاد نبي نذوق شرايج تسوينه وتدزينه لي مع السايق اقولج رأيي بس الصراحه شكله لذيذ (؛ تقبلي مروري

العفو اخوي ..اذا عندكم سايق طرشه ياخذ لكم طبق

..

شكرا هذا من ذوقك

ماقصرت عالمرور

دمعة يتيمة ..!! · 05-14-2009, 02:11 PM

يم يم يمييييي

ماشاءالله عليج ... عيني عليج بارده ....

تسلم ايديج طباختنا ...... والله يعت

يعطيج الف الف عافيه ....

واحنا بإنتظار المزيييييد من اكلاتج ...

تحياتي لج ....

حوراء الراشد · 05-14-2009, 04:23 PM


	المشاركة الأصلية كتبت بواسطة دمعة يتيمة ..!!


	يم يم يمييييي ماشاءالله عليج ... عيني عليج بارده .... تسلم ايديج طباختنا ...... والله يعت يعطيج الف الف عافيه .... واحنا بإنتظار المزيييييد من اكلاتج ... تحياتي لج ....

الله يسلمج حبيبتي ..

و يعافيج ربي و انشالله دايما في يديد ..

ماقصرتي عالمرور مشكوره قلبي

ليالي نـ ج ـد · 05-14-2009, 05:47 PM

ياسلام ياحوراء ماشاء الله رووعه
يسلموووو خيتو

رائدة فضاء · 05-14-2009, 10:01 PM

تسلم ايدينج ياحوراء على وجبة العشاء المتكاملة ...لذيذ ويشووق يمي

حوراء الراشد · 05-15-2009, 01:02 AM


	المشاركة الأصلية كتبت بواسطة run to allah


	ياسلام ياحوراء ماشاء الله رووعه يسلموووو خيتو

تشريفج موضوعي هو الروعه ..

الله يسلمج قلبي .. شكرا عالمرور

حوراء الراشد · 05-15-2009, 01:03 AM


	المشاركة الأصلية كتبت بواسطة رائدة فضاء


	تسلم ايدينج ياحوراء على وجبة العشاء المتكاملة ...لذيذ ويشووق يمي

الله يسلمج ..

ماقصرتي عالمرور قلبي .. نورتي الموضوع

مزووون · 05-15-2009, 01:14 AM

مشاااء الله عليج

عيني عليج بااارده

صراااحه مع اني ما احب الربيااان بس شكله بطبخج يجنن

ههههههههههههههههههههه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري